សំនួរអក្សរសិល្ប៍
ចូរនិយាយពន្យល់ពីលក្ខណៈសំខាន់ៗនៃអក្សរសិល្ប៍
?អក្សរសិល្ប៍មានលក្ខណៈសំខាន់ៗ៨យ៉ាង៖
👉👉 លក្ខណៈមនុស្ស៖
ជាការលើកយកបញ្ហាមនុស្សមកចោទនិងដោះស្រាយតាមសកម្មភាពធម្មតា ដោយ
លើកយកតួអង្គតំណាងមនុស្ស ក្នុងសង្គមជានិច្ច។👉លក្ខណៈសង្គម៖ជាការលើកយកបញ្ហាមនុស្សក្នុងសង្គមណាមួយមកចោទនិងដោះស្រាយតាមសភាព លក្ខណៈរបស់ខ្លួន
តំណាងសង្គមារម្មណ៍ ទ្រទ្រង់មូលទស្សនៈសង្គមទាំងមូល។👉👉លក្ខណៈវណ្ណ៖
ជាការលើកយកមនសិការរបស់មនុស្សក្នុងវណ្ណៈសង្គមណាមួយមកចោទ និងដោះស្រាយ
តាមរយៈចរិតលក្ខណៈ ការរស់នៅ ទឹកចិត្ត សញ្ចេតនា ផលប្រយោជន៍របស់វណ្ណៈនោះ
ហើយស្ដែងឡើងតាមរយៈអក្សរសិល្ប៍។👉👉លក្ខណៈប្រជាជន៖
ជាការយកចិត្តទុកដាក់លើជីវភាពប្រជាជនទាំងភាសាស្មារតី សម្ភារៈ
ហើយនិយាយពីផ្នត់គំនិត សតិអារម្មណ៍ ព្រលឹង ចំណូលចិត្ត មនោសញ្ចេតនា ឧត្តមគតិ
សុច្ឆន្ទៈ តម្រូវការ ការកេងប្រវញ្ច និងផលប្រយោជន៍ប្រជាជន។ អ្នកនិពន្ធច្រើន
ប្រើប្រាស់ភាសា ពាក្យពេចន៍ របស់មហាជនស្រួលអាន ស្រួលស្ដាប់ ងាយយល់។👉👉លក្ខណៈបក្ស៖ ជាលក្ខណៈដែលផ្ដើមចេញពីលក្ខណៈវណ្ណៈ
ដែលជាសារជាតិក្រឹត្យក្រមសង្គម ពេលមនុស្សមានការបែងចែកជាក្រុមតាមទស្សនៈ គោលការណ៍
លទ្ធិ និង មនោគមវិជ្ជា។លក្ខណៈពិសេសរបស់លក្ខណៈបក្សមានការបំផុសឧត្តមគតិ ស្មារតី
ជំនឿ ឥទ្ធិពល សកម្មភាពទៅនឹងមាគ៌ាបក្ស ដោយផ្សារភ្ជាប់ផលប្រយោជន៍ជាតិ។
👉👉លក្ខណៈប្រវត្តិ៖ ជាលក្ខណៈដែលទាក់ទងសម័យកាល
និងព្រឹត្តិការណ៍ប្រវត្តិសាស្ត្រជាក់ស្ដែងនៅក្នុងសង្គម។👉👉លក្ខណៈជាតិ៖ ជាលក្ខណៈពិសេសរបស់ជាតិមួយដែលលេចធ្លោខុសពីជាតិមួយទៀតដូចជា
ជំនឿ ទំនៀមទម្លាប់ ប្រពៃណី ទស្សនៈ ចិត្តគំនិត
អាកប្បកិរិយាផ្សេងៗដែលទ្រទ្រង់ព្រលឹងជាតិ ហើយស្ដែងឡើងតាមរយៈអក្សរសិល្ប៍។👉👉លក្ខណៈអន្តរជាតិ៖
ជាលក្ខណៈមួយរបស់អក្សរសិល្ប៍ដែលមានតម្លៃទ្រង់ទ្រាយវប្បធម៌ ជាតិហើយជាតិដទៃបានមករៀនសូត្រ
ផ្សព្វផ្សាយនៅក្នុងអន្តរជាតិរបស់គេ។លក្ខណៈអន្តរជាតិជាស្នាដៃដែលបម្រើឧត្តមគតិ
ផលប្រយោជន៍មនុស្សជាតិ សមូហភាព ស៊ីជម្រៅលើសង្គមសាស្ត្រ មនោគមវិជ្ជា នយោបាយ
ការរីកចម្រើននៃវិទ្យាសាស្ត្របច្ចេកទេសសម្រាប់ទុកជាបទពិសោធន៍ត្រិះរិះពិចារណានិងអនុវត្តឲ្យមានសុភមង្គល។👉👉 មានសំនួរបន្តទៀត សូមចុចអាសយដ្ឋានខាងក្រោម ៖
សូមអរព្រះគុណនិងអរគុណ!
