ប្រស្នាកំណាព្យ ប្រភេទកំណាព្យ ចែកតាមវិធីឆ្លុះបញ្ចាំងមាន ១១ប្រការ

បង្ហោះដោយTHACH PHUOC AN •7/08/2023

0

ប្រស្នាកំណាព្យ

ប្រភេទកំណាព្យ ចែកតាមវិធីឆ្លុះបញ្ចាំងមាន ១១ប្រការ

១- កំណាព្យវីណកថា គឺជាកំណាព្យមួយបែប ដែលកវីបាននិយាយបកស្រាយតែពីមនោសញ្ចេតនា ការរំភើបញាប់ញ័រ ការស្រមៃផ្ទាល់ខ្ទួន ឬពីតួអង្គណាមួយដែលខ្លួនបានបង្កើត តែអត្តរបស់តួអង្គនោះគឺជាអត្តរបស់កវីផ្ទាល់តែម្តង។

២- កំណាព្យសារកថា គឺជាប្រភេពអត្ថបទកាព្យ ដែលកវីសរសេរទាក់ទងឆ្លងឆ្លើយជាសំបុត្រស្នាមដើម្បីសំដែងមនោសញ្ចេតនាសុទ្ធសាធ ពីសកម្មភាពរឿងរ៉ាវវិបត្តិ ឬពិភាក្សាពីបញ្ហាណាមួយដូចជាបញ្ហាទស្សនាវិជ្ជា សីលធម៌សង្គមនយោបាយ សេដ្ឋកិច្ចជាដើម។

៣- កំណាព្យឧបទេសកថា គឺជាប្រភេពកាព្យមួយបែប ដែលក្ដោបស្នាដៃអក្សរសិល្ប៍ទាំងអស់ណាដែលមានគោលបំណងអប់រំទូន្មានប្រៀនប្រដៅ បែបបទស្សនាវិជ្ជសីលធម៌ នយោបាយ ដើម្បីបំរើគោលការណ៍រីកចម្រើនណាមួយ។

៤-កំណាព្យរិះគន់កថា គឺជាកាព្យខ្លី ឬវែងដែលនៅក្នុងនោះកវីមានគោលបំណងចំអករិះគន់ចំពោះគុណវិបត្តិ អំពើឈ្លើយព្រហើន ឬ អំពើអសកម្មភាពណាមួយ។

៥- កំណាព្យចម្រៀងកថា គឺជាអត្ថបទកាព្យ ដែលអ្នកគង្វាល ឬ កសិករច្រៀងជួនកាលទាក់ទងនឹងពលកម្ម ជួនកាលទាក់ទងនឹងស្នេហា។

៦- កំណាព្យនាដកកថា គឺជាប្រភេទកាព្យឱបស្នាដៃអក្សរសិល្ប៍ទាំងអស់ ដែលយកទៅសំដែងទៅលើឆាកនិមួយ ដើម្បីបង្កើតបរិយាកាសដល់អ្នកអាន។

៧- កំណាព្យវីរកថា គឺជាអត្ថបទកាព្យមួយបែបដែលនិទានយ៉ាងវែងអន្លាយនៃបុរាណសម័យអង្គ គឺជាវិរជនមានចិត្តមោះមុតក្លាហាន តសរមិនចេះចប់ធ្វើចំបាំងគ្មានឈប់ឈរដើម្បីបំរើនយោបាយ ឬ ឧត្តមគតិណាមួយ។

៨- កំណាព្យប្រវត្តិសាស្រ្ត គឺជាកំណាព្យដែលពណ៌នា យ៉ាងវែងពីប្រវត្តិសាស្រ្តឬ ព្រឹត្តិការណ៍ណាមួយពីជនណាមួយ។

៩-កំណាព្យពណ៌នាកថា គឺជាប្រភេពកំណាព្យដែលរាប់រៀបពីមនុស្ស សត្វពីធម្មជាតិនានា។

១០- កំណាព្យល្បើកថា គឺជាកាព្យមួយប្រភេទដែលកវីលើកឡើង ច្រើនយកតួអង្កសត្វមកតាក់តែងជារឿងរ៉ាវថ្មីៗ ដើម្បីអប់រំសីលធម៌។

១១- កំណាព្យប្រលោមកថា គឺជាកវីសរសេរមានលំនាំដូចជារឿងប្រលោមលោក។