វិធីធ្វើអត្ថាធិប្បាយសុភាសិត
វិធីធ្វើអត្ថាធិប្បាយសុភាសិត
ក្នុងវិធីធ្វើអត្ថាធិប្បាយ សុភាសិតទូទៅ ក៏ដូចក្នុងវិធីធ្វើ អត្ថាធិប្បាយប្រធានឯទៀតៗដែរ តើត្រូវតែលើកយកគោលវិធី៣យ៉ាងយកមកអនុវត្តជាដរាបគឺ :
១.、 សេចក្តីផ្តើម. -
គឺការផ្តើមនិយាយបកស្រាយពង្រីក សេចក្តីក្នុងសុភាសិតនីមួយៗ ដែលមាននៅក្នុងប្រធានចោទ
ដោយបានលើកយកបញ្ហា មកចោទក្នុងសុភាសិតនោះថែមទៀត
មុននឹងបកស្រាយពន្យល់ន័យសេចក្តីនៅក្នុងអង្គសេចក្ដី ។
២. តួសេចក្តី. -
គឺការបកស្រាយពង្រីកពន្យល់ន័យក្នុងសុភាសិត ដែលមាននៅក្នុងប្រធានចោទ។ នៅក្នុងអង្គឬ
តួសេចក្ដីនេះ គេត្រូវលើកយកមតិ ៣ យ៉ាងទៀតមកអនុវត្តជាមួយផងជាការចាំបាច់គឺ :
ក. មតិស្រប. -
ជាការបកស្រាយពន្យល់ស្របទៅ តាមសុភាសិតដើម បានសេចក្តីថាយើងត្រូវឱ្យតម្លៃទៅលើ
សុភាសិតដែលមានក្នុងប្រធានចោទជាដរាប បើសុភា-គិតថាយ៉ាងណា
យើងត្រូវតែនិយាយស្របទៅតាមនោះដោយគ្មានជំទាស់ ។
ខ.មតិផ្ទុយ.-គឺជាការនិយាយពន្យល់មួយបែបផ្សេងទៀត ដែលមានន័យសេចក្ដីមតិយោបល់ផ្ទុយពីក្នុងមតិស្របផង ផ្ទុយពីសុភាសិត ជាប្រធានចោទផង ឧទាហរណ៍ ថាបើសុភាសិតដើមូល់ថាល្អ, ត្រឹមត្រូវទៅហើយ យើងត្រូវតែរកមតិ យោបល់លំផ្សេងទៀតមកពន្យល់ថាមិនល្អ, មិនត្រឹមត្រូវឬមិនទាន់ល្អ មិនទាន់ត្រឹមត្រូវទាំងអស់ដោយមានហេតុឬភ័ស្តុតាងបែបនេះមួយៗ ។
ការទាញមតិផ្ទុយនេះ
ត្រូវតែមានឧទាហរណ៍ណាមួយមកបញ្ជាក់ផងជានិច្ច ។
គ.មតិរួម
-បានដល់ការបង្រួមមតិយោបល់ទាំងពីរខាងលើឱ្យស្របគ្នាឬមួយយើងឱ្យតម្លៃទៅលើមតិស្រប
ឬមួយយើងឱ្យតម្លៃទៅលើមតិផ្ទុយ ឬមួយក៏យើងរកមតិយោបល់មួយផ្សេងទៀតមកបង្ហាញ
ប្រសិនបើមតិយោបល់នោះ មានលក្ខណៈសមហេតុផល ជាងមតិយោបល់ទាំងពីរខាងលើ ។
៣.សយោបល់រួម.
-គឹមតិយោបល់ដែលយើងត្រូវនិយាយឱ្យតម្លៃទៅលើគោលនៃអត្ថាធិប្បាយ សុភាសិតនេះទាំងមូល ។
យោបល់រួមនេះ ជាយោបលំចុងក្រោយបង្អសំរបស់អ្នកធ្វើអត្ថាធិប្បាយនេះឯង។
ប្រសិងបើសេចក្តីផ្តើមនិង តួសេចក្តី ដោយមានមតិទាំង៣ បានបកស្រាយដ៏សមហេតុផលហើយ
តែក្នុងយោបល់រួម ពុំបានបង្រួមសេចក្តីឱ្យសមហេតុផលទេ
អត្ថាធិប្បាយនោះក៏មិនល្អត្រឹមត្រូវដែរ ។
គួរកត់ចំណាំថា
នៅខាងចុងបញ្ចប់នៃយោបល់រួមក្នុង អត្ថាធិប្បាយសុភាសិតនីមួយៗ
អ្នកធ្វើអត្ថាធិប្បាយត្រូវរកគោលដៅឬ ចំណុចសំខាន់មួយរបស់សុភាសិតនោះ៖
ទោះបីសុភាសិតនោះ
ពុំបានត្រឹមត្រូវសមហេតុផល ក៏ដោយក៏ត្រូវតែឱ្យតម្លៃមួយដែលជាបំណងរបស់ខ្លួន
ឬរបស់អ្នកពោលជាដរាប ។
កំណត់ចំណាំ.-
មតិទាំង៣នេះ ត្រូវតែយកទៅអនុវត្តក្នុងសុភាសិតដែលមានន័យជាអត្ថានុរូប
និងអត្ថប្បដិរូបពោល គឺនៅក្នុងអត្ថានុរូប ក៏មានមតិទាំង ៣ ក្នុងអត្ថប្បដិរូបក៏មានមតិទាំង៣ដែរ
។