ញញឹម ជាថាមពលនាំឲ្យជីវិតស្រស់ស្រាយ បញ្ញាស្មារតីល្អប្រសើរ ឆ្ពោះទៅរកភាពជោគជ័យ
៚ ការញញឹម មិនមែនត្រឹមតែជាសកម្មភាពរបស់មាត់ ឬជាសញ្ញាដែលបង្ហាញពីការមានអារម្មណ៍រីករាយប៉ុណ្ណោះទេ ប៉ុន្តែវាជាថាមពលវិជ្ជមានមួយ ដែលអាចបម្លែងអាកប្បកិរិយា អារម្មណ៍ និងទិសដៅជីវិតរបស់មនុស្សម្នាក់ឲ្យកាន់តែល្អប្រសើរ។ វាជាឧបករណ៍ធម្មជាតិសម្រាប់បង្កើតបរិយាកាសសុខសាន្ត បង្កើនស្មារតី និងជួយដល់ការរីកចម្រើនផ្លូវជីវភាព និងអាជីព។
៚ ជីវិតប្រចាំថ្ងៃពោរពេញទៅដោយបញ្ហា បន្តឹង និងការប្រឈម។ នៅពេលមនុស្សមានការញញឹម បេះដូងនិងខួរក្បាលនឹងទទួលបានសារធាតុសេរ៉ូតូនីន និងអេនដូផីន ដែលជាគ្រឿងបង្កើនអារម្មណ៍ល្អ ធ្វើឲ្យអារម្មណ៍ស្រស់ស្រាយ ស្លូតបូត និងកាត់បន្ថយសំពាធ។ អ្នកដែលមានទម្លាប់ញញឹមជាញឹកញាប់ មិនត្រឹមតែទទួលបានភាពសុខសាន្តផ្ទាល់ខ្លួនទេ ប៉ុន្តែអាចបញ្ជូនថាមពលវិជ្ជមាននោះទៅអ្នកនៅជុំវិញផងដែរ។ ពិសេសទៀត ឧបសគ្គនានាក៏អាចក្លាយជាវិថីមួយនាំឲ្យមានការអភិវឌ្ឍ និងជោគជ័យ ប្រសិនបើអ្នកមិនបោះបង់ការញញឹម។
វិទ្យាសាស្ត្រក៏បានបញ្ជាក់ផងដែរថា
👉🏼 ការញញឹមជាការចិត្តញញឹម អាចបថ្កើតផ្លាស់ប្តូរថាមពលផ្លូវខួរក្បាល កាន់តែប្រសើរនិងជំរុញការបញ្ចេញសារធាតុជួយកាត់បន្ថយភាពតានតឹង។
👉🏼 ការញញឹមជួយបន្ថយសម្ពាធឈាម បង្កើនប្រសិទ្ធភាពប្រព័ន្ធភាពស៊ាំ និងពង្រឹងការផលិតគំនិតច្នៃប្រឌិត។
អ្នកបង្កើត អ្នកសិល្បៈ និងអ្នកច្នៃប្រឌិតជាច្រើនបានប្រើប្រាស់ថាមពលវិជ្ជមាននេះក្នុងការរកឃើញដំណោះស្រាយច្នៃប្រឌិតទៅលើបញ្ហាខ្លាំងៗ។
៚ ជីវិតនិងភាពជោគជ័យគឺចាប់ផ្ដើមពីចិត្ត។ នៅពេលដែលចិត្តស្រស់ស្រាយ ស្លូតបូត មានសុភមន្ដភាព វានាំឲ្យការគិត និងសកម្មភាពទាំងអស់ចេញមកយ៉ាងវិជ្ជមាន។ ការញញឹមជួយបញ្ចេញអារម្មណ៍ល្អៗ ហើយបង្រៀនឲ្យយើងចេះអភ័យទោស ស្មោះត្រង់ និងសប្បុរសធម៌។ ជាពិសេស បើអ្នកជាម្ចាស់អាជីវកម្ម ឬជាអ្នកដឹកនាំ ការញញឹមរបស់អ្នកអាចជាប្រភពធ្វើឲ្យបុគ្គលិកមានស្មារតីល្អ ចូលរួមការងារបានយ៉ាងរីករាយ និងបង្កើនផលិតភាពការងារបានយ៉ាងចម្បង។
សារសំខាន់សម្រាប់យើងទាំងអស់គ្នា៖
- ញញឹមជាសិន មុននឹងនិយាយ វាធ្វើឲ្យពាក្យសម្រួលបេះដូងអ្នកដទៃ។
- ញញឹមនៅពេលជួបបញ្ហា វាជាសញ្ញានៃភាពរឹងមាំ។
- ញញឹមនៅពេលមានជោគជ័យ ដើម្បីរំលែកសុភមង្គលជាមួយអ្នកដទៃ។
- ញញឹមជាទម្លាប់ក្នុងជីវិត ព្រោះវាជាចំណែកមួយនៃសេចក្ដីស្រឡាញ់ និងសុខភាពផ្លូវចិត្ត។
=> ជីវិតនេះពោរពេញទៅដោយការប្រឈម។ ប៉ុន្តែប្រសិនបើយើងអាចរក្សាការញញឹម យើងអាចប្រែបញ្ហាទាំងនោះទៅជាឱកាស អាចទាក់ទាញមនុស្សល្អៗ និងអាចជួយស្ថាបនាជីវិតដ៏រីកចម្រើន។ ការញញឹមគឺជាពន្លឺតូចៗ ដែលអាចបំភ្លឺផ្លូវដ៏ងងឹត។ សូមចាប់ផ្ដើមថ្ងៃថ្មីជារៀងរាល់ថ្ងៃ ដោយ ញញឹម — ព្រោះវាអាចជាបន្លឺដ៏សំខាន់បំផុតក្នុងផ្លូវឆ្ពោះទៅរកជោគជ័យ។
=> ការញញឹមគឺជាថាមពលពិតប្រាកដមួយ ដែលបង្កើតពីក្នុងចិត្ត និងបន្តបញ្ចេញទៅកាន់ពិភពជុំវិញ។ វាមិនអស់ថ្លៃ ប៉ុន្តែមានតម្លៃខ្ពស់។ មនុស្សម្នាក់អាចធ្វើឲ្យជីវិតខ្លួនឯង និងអ្នកជុំវិញរីករាយ និងរឹងមាំ ត្រឹមតែដោយការញញឹម។ ដូច្នេះ សូមយើងចាប់ផ្ដើមពីថ្ងៃនេះ ដោយញញឹមជាប្រចាំ ដើម្បីបង្កើតជីវិតថ្មី ឆ្ពោះទៅរកភាពជោគជ័យ និងសុភមង្គលក្នុងអនាគត។
ដោយ៖ ទេពម្យូរ៉ា ខ្មែរក្រោម