ប្រស្នាធម្មវិភាគ
ធម៌ធ្វើឱ្យល្អ ២ យ៉ាង
១-ខន្តី សេចក្តីអត់ធន់។
២-សោរច្ចៈ សេចក្តីស្ងប់ស្ងៀម ។
មានសំដែងនៅក្នុង៖
សុត្តន្តបិដក អង្គុត្តរនិកាយ ទុកនិបាត បឋមភាគ ទំព័រទី ២១២
បុ. ខន្តីប្រែថាដូចដូចម្តេច ? បានសេចក្តីថាយ៉ាងណា?
វិ. ខន្តីប្រែថា សេចក្តីអត់ធន់ ឬ ចិត្តអត់ទ្រាំ។
បានសេចក្តីថា ខន្តីមានសេចក្តីធន់ទ្រាំ ដោយកំឡាំងចិត្ត មិនក្រវល់ក្រវាយចំពោះទុក្ខ ជាលក្ខណៈ មានកិរិយាកំចាត់មូលហេតុនៃបាបអកុសលទាំងពួងជាកិច្ច។
បុ. ខន្តីមានម៉ាណប្រភេទ ?
វិ. ខន្តីមាន៣ប្រភេទគឺ៖
១ - អត់ធន់ចំពោះការលំបាកនឿយហត់។
២ - អត់ធន់ចំពោះទុក្ខវេទនា ព្រោះការឈឺចាប់។
៣ - អត់ធន់ចំពោះការឈឺចិត្ត។
បុ. ខន្តីមានអានិសង្សប៉ុន្មានប្រការ ?
វិ. ខន្តីមានអានិសង្ស៥ប្រការគឺ៖
១ - អ្នកមានខន្តីរមែងជាទីស្រឡាញ់រាប់អានរបស់ជនជាច្រើន។
២ - អ្នកមានខន្តី មិនមានពៀរច្រើន។
៣ - អ្នកមានខន្តី មិនមានទោសច្រើន។
៤ - អ្នកមានខន្តី មិនវង្វេងស្មារតីធ្វើមរណៈកាល។
៥ - ទំលាយខ័ន្ធទៅ បានទៅកើតក្នុងឋានសួគ៌។
បុ. សោរច្ចៈ ប្រែថាដូចម្តេច មានសេចក្តីយ៉ាងណា?
វិ. សោរច្ចៈ ប្រែថា ស្ងៀមឬរីករាយ អ្នកមានសេចក្តីអត់ធន់ប្រកបដោយ យោនិសោមនសិការៈ គឺគិតឃើញដោយឧបាយដ៍ប្រពៃ ប្រកបដោយសោរច្ចធម៌ ទើបធ្វើចិត្តរីករាយបាន សូម្បីដល់ទីបំផុតនិងអត់ធន់ដោយអាការរបស់ចិត្តក្តី ក៍ត្រូវមានឧបាយដឹង ហើយតាំងកាយ វាចាឱ្យនៅស្ងៀមជាប្រក្រកីដែរ។
បុ. ខន្តីនិងសោរច្ចៈ មានលក្ខណៈផ្សេងគ្នាដូចម្តេច ?
វិ. មានលក្ខណៈផ្សេងគ្នាយ៉ាងនេះ គឺសេចក្តីអត់ធន់ទ្រាំទ្រនឹងអក្កោសជ្ជវត្ថុទាំង ៩
យ៉ាង ដែលមកប៉ះពាល់ ឬក៏អត់ធន់ សេចក្តីលំបាក អត់ធន់សេចក្តីឈឺចិត្ត ជាលក្ខណៈរបស់ខន្តី
។
សេចក្តីរីករាយស្រស់បស់មានចិត្តល្អ មិនសំដែងអាការឱ្យប្រាកដ
ក្នុងកាលអ្នកដទៃប្រមាថមើលងាយជាលក្ខណៈរបស់សោរច្ចៈ។
បុ. ហេតុដូចម្តេចបានជាចាត់ ខន្តី និង សោរច្ចៈនេះថាជា ធម៌ធ្វើឱ្យល្អ ?
វិ. បានជាលោកចាត់ធម៌ទាំងពីរនេះថា ជាធម៌ធ្វើឱ្យល្អ នោះ
ព្រោះថាបើបុគ្គលណាមានធម៌ទាំងពីរនេះ ប្រចាំនៅក្នុងខន្ធសន្តានហើយ ទោះបីបុគ្គលនោះទៅនៅទីណា
កន្លែងណា រមែងបានសេចក្តីសុខចំរើនបាន កេរ្តិ៍ឈ្មោះល្អ នឹងអាចធ្វើអ្នក
ដទៃឱ្យល្អបានថែមទៀតផង ដូចយ៉ាងនាងឧត្តរានាងមានធម៌ខន្តីនៅក្នុងខន្ធសន្តាន
នាងអាចញ៉ាំងនាងសិរិមាឱ្យបាន សម្រេចមគ្គផលថែមទៀត។
អាក្រក់នោះមិនមែនអាក្រក់ឈ្មោះទេ សូម្បីរូបរាងក៏អាក្រក់ដែរ ដូចមានក្នុងចូឡកម្មវិភង្គសូត្រសំដែងថា៖
មនុស្សដែលមានរូបអាក្រក់ ... មកពីមានសេចក្តីក្រោធ ដូចយ៉ាងនាងបញ្ចបាបាជាដើម។ នាងមានរូប អាក្រក់យ៉ាងនេះមកពីមិនមានខន្តីនិងសោរច្ចៈ បានជាលោក ចាត់ថាជាធម៌ធ្វើឱ្យល្អ គឺធ្វើឱ្យល្អក្នុងលោកនេះនិងលោកខាងមុខ ។
👉👉 មានសំនួរ/អត្ថបទ បន្តទៀត
សូមចុចអាសយដ្ឋានខាងក្រោម ៖
ប្រស្នាធម្មវិភាគ គុណរបស់ព្រះរតនៈ ៣
យ៉ាង (edu4kh.com)
ប្រស្នាធម្មវិភាគ តិកៈ ពួក ៣ រតនៈ ៣យ៉ាង
ព្រះពុទ្ធ ១ ព្រះធម៌ ១ ព្រះសង្ឃ ១ (edu4kh.com)
ប្រស្នាធម្មវិភាគ តិកៈ ពួក ៣ រតនៈ ៣យ៉ាង
ព្រះពុទ្ធ ១ ព្រះធម៌ ១ ព្រះសង្ឃ ១ (edu4kh.com)
ប្រស្នាធម្មវិភាគ បុគ្គលរកបានដោយកម្រ ២
យ៉ាង គឺ បុព្វការីនិងកតញ្ញូ កតវេទី (edu4kh.com)
ប្រស្នាធម្មវិភាគ
អាការៈដែលព្រះពុទ្ធទ្រង់ប្រដៅ ៣ យ៉ាង (edu4kh.com)
សូមអរព្រះគុណនិងអរគុណ!