ប្រស្នាធម្មវិភាគ តិកពួក៣ សុចរិត ៣ យ៉ាង សុត្តន្តបិដក អង្គុត្តរនិកាយ តិកនិបាត ទុតិយភាគ ទំព័រ ១០ ដល់ ៣៤

បង្ហោះដោយTHACH PHUOC AN •7/12/2023

0

សុចរិត ៣ យ៉ាង

១-កាយសុចរិត ប្រព្រឹត្តល្អដោយកាយ។

២-វចីសុចរិត ប្រព្រឹត្តល្អដោយវាចា។

៣-មនោសុចរិត ប្រព្រឹត្តល្អដោយចិត្ត។

មានសំដែងនៅក្នុង៖

សុត្តន្តបិដក អង្គុត្តរនិកាយ តិកនិបាត ទុតិយភាគ ទំព័រ ១០ ដល់ ៣៤

បុ. កាយសុចរិតនោះដូចម្តេច? មានប៉ុន្មានយ៉ាង? ចូររាប់! វិ. កាយសុចរិតនោះ គឺអំពើដែលប្រព្រឹត្តល្អដោយកាយ មាន ៣ យ៉ាងគឺ

1. វៀរចាកសម្លាប់សត្វ ១។

2. វៀរចាកលួចទ្រព្យគេ ១។

3. វៀរចាកប្រព្រឹត្តខុសក្នុងកាមទាំងឡាយ ១ ។

បុ. វចីសុចរិតនោះតើដូចម្តេច? មានប៉ុន្មានយ៉ាង? ចូររាប់! វិ. វចីសុចរិតនោះ គឺអំពើដែលប្រព្រឹត្តល្អដោយវាចា មាន ៤ យ៉ាងគឺៈ

1. វៀរចាកនិយាយពាក្យកុហកគេ១។

2. វៀរចាកនិយាយពាក្យញុះញង់គេ១។

3. វៀរចាកនិយាយពាក្យចាក់ដោតគេ១។

4. វៀរចាកនិយាយពាក្យរោយរាយឥតប្រយោជន៍ ១។

បុ. មនោសុចរិតនោះ តើដូចម្តេច? មានប៉ុន្មានយ៉ាង? ចូររាប់!

វិ. មនោសុចរិតនោះគឺៈ អំពើដែលប្រព្រឹត្តល្អដោយចិត្ត មាន ៣ យ៉ាងគឺ

1. មិនលោភចង់បានរបស់គេ ១។

2. មិនព្យាបាទ ប្រទូស្តគេ ១។

3. ឃើញត្រូវតាមគន្លងធម៌ ១ ។

សុចរិត ៣ យ៉ាងនេះ ជាកិច្ចគួរធ្វើ គួរប្រព្រឹត្ត។

👉👉 មានសំនួរ/អត្ថបទ បន្តទៀត

សូមចុចអាសយដ្ឋានខាងក្រោម ៖

សូមអរព្រះគុណនិងអរគុណ!