សំនួរ ចម្លើយ វេយ្យាករណ៍បាលី អក្ខរវិធិនិទ្ទេស អំពីសមញ្ញភិធាន និងប្រយោជន៍អក្ខរៈ

បង្ហោះដោយTHACH PHUOC AN •7/07/2023

0

សំនួរនឹងចម្លើយអក្ខរវិធិនិទ្ទេស

សមញ្ញាភិធាន

១- សំនួរ. ពាក្យថា កច្ចាយនូបត្ថម្ភកៈ ប្រែថា ដូចម្តេច ? បានសេចក្តីយ៉ាងណា ខ្លះ ? ចែកចេញជានិទ្ទេសមានប៉ុន្មានយ៉ាង ? គឺអ្វីខ្លះ?

ចម្លើយ. ពាក្យថា កច្ចាយនូបតម្ភកៈ ប្រែថា “វយ្យាករណ៍ជាជំនួយកច្ចាយនៈ”, បានសេចក្តីថា បែបសម្រាប់រៀនអមជាមួយនឹងកខ្ចាយនប្បករណ៍ ឬបែបសម្រាប់នាំមុខការសិក្សាបាលីភាសា ក្នុងគម្ពីរកច្ចាយនៈ ឲ្យងាយយល់ជាងការសិក្សាចំពោះកច្ចាយនប្បករណ៍សុទ្ធ ហៅថា កច្ចាយនូបត្ថម្ភក ចែកចេញជានិទ្ទេសមាន ៧ យ៉ាងគឺ៖

1. អក្ខរវិធីនិទ្ទេស ១

2. នាមនិទ្ទេស ១

3. សមាសនិទ្ទេស ១

4. តទ្ធិតនិទ្ទេស១

5. អាខ្យាតនិទ្ទេស១

6. កិតកនិទ្ទេស១

7. ឧណាទិទ្ទេស ១ ។

២– ស. ពាក្យ“អក្ខរវិធីនិទ្ទេស ប្រែថា ដូចម្តេច បានសេចក្តីថាយ៉ាងណា ?

ចម្លើយ . ពាក្យ អក្ខរវិធិនិទ្ទេស ”ប្រការសំដែងនូវបែប នៃអក្ខរៈ” បានសេចក្ដីថា ការសំដែងបែបដែលនិយាយរៀបរាប់ក្នុងអក្ខរៈទាំង ២ យ៉ាងគឺ . សមញ្ញាភិធាន នឹង សន្ធិ ហៅថា អក្ខរវិធីនិទ្ទេស....។

៣ សំនួរ . អក្ខរវិធីនិទ្ទេស មានប៉ុន្មានយ៉ាង គឺ អ្វីខ្លះ ?

ចម្លើយ . អក្ខរវិធីនិទ្ទេស មាន ២ យ៉ាងគឺ សមញ្ញាភិធាន ១ សនិ្ធ ១ ។

៤ សំនួរ . ពាក្យថាសមញ្ញាភិធាន ប្រែថា ដូចម្តេច បានសេចក្តិយ៉ាងណា ?

ចម្លើយ.ពាក្យថា សមញ្ញាភិធាន ប្រែថា ‹‹ការនិយាយតាមឈោ្មះ ” ឬ “ការសំដែងឈោ្មះ” បានសេចក្ដីថា ការសំដែងឈោ្មះ នៃអក្ខរៈ ដែលជាស្រះនឹងព្យព្ជានៈ ព្រមទាំងឋានៈករណៈជាដើមហៅថាសមញ្ញាភិធាន។

ប្រយោជន៍អក្ខរៈ

៥. សំនួរ. ការរៀនអក្ខរៈ មានប្រយោជន៍ដល់អ្នករៀនយ៉ាងណាខ្លះ?

ចម្លើយ . ការរៀនអអក្ខរៈ មានប្រយោជន៍ដល់អ្នករៀនច្រើនយ៉ាងគឺ

ធ្វើអ្នករៀនឲ្យយល់ច្បាស់នូវសេចក្ដីនៃពាក្យទាំងពួង ព្រោះសេចក្ដីនាំពាក្យគ្រប់យ៉ាងបុគ្គលដឹងបានដោយសារតែអក្ខរៈ កាលបើអក្ខរវិបត្តិ ប្រែប្រួលឃ្លៀងឃ្លាតហើយ អ្នកណានឹងអាចចូលចិត្តសេចក្តីថាជាអីបាន។

ដូចពាក្យ ចោរៈ ដែលប្រែថា ចោរ អ្នកមិនសា្ទត់អក្ខរៈ រមែងអានភ្លាត់ថា បោឡៈ អ្នកស្តាប់មុខជានឹងយល់សេចក្ដីផ្សេងពុំខាន ព្រោះ ពាក្យថា ចោឡៈ ជាឈោ្មះរបស់សំពត់ ដូចជា បរិក្ខារចោឡំ ប្រែថា“សំពត់ជាបរិក្ខាររបស់ភិក្ខុ” ដូច្នេះជាដើម ព្រោះហេតុនោះ ការរៀនអក្ខរៈ ជាហេតុនាំឲ្យមានប្រយោជន៍ដល់អ្នករៀនយ៉ាងនេះឯង។

៦ សំនួរ . ពាក្យ “អក្ខរៈ ឬ អក្សរ” លោកសំដៅយកអ្វីខ្លះ? មកឲ្យឈោ្មះ?

ចម្លើយ. លោកសំដៅយកហេតុ ២យ៉ាងមកឱ្យឈ្មោះគឺ៖

ក. សូរសំឡេងដែលលាន់ឮប្រាកដឡើង១។

ខ. ស្នាមគំនូសជាតួរាងដែលល្មមកំណត់ចំណាំបានតាមការស្រួល ១។

ទាំ ង ២ យ៉ាងនេះ រួមមកហៅតែ ១ ម៉ាត់ថា “អក្ខរៈ” ឬ “អក្សរ” ឬហៅថា “វណ្ណ” ក៏បាន។

៧ សំនួរ . ពាក្យ អក្ខរៈ មកពីអ្វី? ប្រែថាដូចម្ដេចខ្លះ ចូរអធិប្បាយ!

អក្ខរៈសម្រាប់ប្រើក្នុងភាសាបាលី មានប៉ុន្មានតួ? គឺអ្វីខ្លះ?

ចម្លើយ. ពាក្យ អក្ខរៈ មកពី អ “ ប្រែថា “មិន” នឹង ខរ ប្រែថា “អស់” ឬ “រឹង” ។

តាមន័យនេះ ពាក្យថា អក្ខរៈ ប្រែបាន២យ៉ាងគឺ៖ “មិនអស់»១យ៉ាង «មិនរឹង» ១យ៉ាង ។

សេចក្តីអធិប្បាយ ដែលប្រែថា “មិនអស់” បានសេចក្តីថា អក្ខរៈ គែស្រះនឹងព្យញ្ជនៈទាំងពីរពួកនោះ ទោះនឹងប្រើនិយាយ ឬសរសេរ យ៉ាងណា ក៏មិនចេះអស់ឡើយ។

ដែលបថា «មិនរឹង» នោះបានសេចក្តីថា អក្ខរៈ គឺស្រៈនឹងព្យញ្ជនៈទាំងពីរពួកនោះ ដែលជារបស់ជាតិណា ភាសាណា ក៏ប្រើបានតាមសមគួរដល់ជាតិនោះ ភាសានោះគឺទន់ទៅតាមជាតិនោះ ភាសានោះ មិនចេះរឹងទទឹងឡើយ

អក្ខរៈសម្រាប់ក្នុងបាលី ភាសា មាន ៤១ តួគឺ អ អា, ឥ ឦ, ឧ ឩ, ឯ ឱ

ក ខ គ ឃ ង

ច ឆ ជ ឈ ញ

ដ ឋ ឌ ឍ ណ

ត ថ ទ ជ ន

ប ផ ព ភ ម

យ រ ល វ ស ហ ឡ អំ។

៨ សំនួរ. តាំងពី អ ដល់ ឱ ហៅថាអ្វី ? ពី ក ដល់ – អំហៅអ្វី ?

ចម្លើយ. តាំងពី អ ដល់ឱ ហៅថាស្រៈ,ពី ក ដល់ = ហៅព្យញ្ជនៈ ។

👉👉 មានសំនួរ/អត្ថបទ បន្តទៀត

សូមចុចអាសយដ្ឋានខាងក្រោម ៖

១ ប្រស្នាធម្មវិភាគ គុណរបស់ព្រះរតនៈ ៣ យ៉ាង (edu4kh.com)